རྒྱལ་སྤྱིའི་བརྒྱུད་པ་གསུམ་གྱི་ནང་པའི་བགྲོ་གླེང་ཚོགས་ཆེན།
ཐའེ་ཝན་རྒྱལ་སྤྱི་བོད་བརྒྱུད་ནང་བསྟན་ཚོགས་པ་ནས་དབུ་ཁྲིད་ནས། ནང་བསྟན་བརྒྱུད་པ་གསུམ་སྟེ། ལྷོ་རྒྱ་བོད་གསུམ་གྱི་གནད་ཡོད་མཁས་དབང་ཁག་མཉམ་འཛོམས་ཀྱིས། ཉམས་མྱོང་བརྗེ་ལེན་དང་མཁྱེན་རྟོགས་རྒྱ་བསྐྱེད་ཆེད་དུ་རྒྱལ་སྤྱིའི་རང་བཞིན་ལྡན་པའི་ཚོགས་འདུ་ཐེངས་དང་པོ་དེ། ཐའེ་ཝན་གྱི་རྒྱལ་ས་ཐའེ་པེ་རུ། ཐེ་ཝན་དགེ་འོས་སློབ་གྲྭ་ཆེན་མོའི་རྒྱལ་སྤྱིའི་ཚོགས་ཁང་དུ་སྐོངས་འཚོགས་གནང་ཡོད་ཅིང་། དེ་ནི་ཐེ་ལྦན་བོད་བརྒྱུད་ནང་བསྟན་གྱི་ལོ་རྒྱུས་ཐོག་ལྷོ་བྱང་བརྒྱུད་པ་གསུམ་གྱི་ཆེས་མཁས་པ་དང་གནད་ཡོད་མི་སྣ་ཚང་འཛོམས་ཀྱིས་བོད་བརྒྱུད་གཙོ་བོར་འགྱུར་བའི་བརྒྱུད་པ་ཕན་ཚུན་བར་གྱི་གནས་བབ་སྤྱི་དང་བྱེ་བྲག་ལ་བགྲོ་གླེང་ཞིབ་ཕྲ་གནང་ཆེད་འདུ་སྐོངས་གནང་བའི་ལྷན་ཚོགས་ཐོག་མ་དེ་ཡིན་པ་རེད།
སྤྱི་ལོ་ཉིས་སྟོང་བཅུ་གཅིག་གི་ལོ་ནས་ད་བར་ཐེངས་བཞི་ལ་དངོས་སུ་འཚོགས་ཟིན་པ་དང་། དེ་ཡང་བོད་བརྒྱུད་ནང་བསྟན་ཙམ་མིན་པར། ཐའེ་ན་ཝན་ས་གནས་ཀྱི་རྒྱ་བརྒྱུད་ནང་བསྟན་དང་། དེ་བཞིན་ཤྲི་ལངྐ་དང་ཐའེ་ལན་སོགས་ནང་པའི་རྒྱལ་ཁབ་གཞན་གྱི་བླ་ཆེན་ཁག་དང་མཁས་དབང་ཁག་གདན་འདྲེན་ཞུས་ཏེ། རྒྱལ་སྤྱིའི་རང་བཞིན་གྱི་བགྲོ་གླེང་གི་སྡིངས་ཆ་གལ་ཆེན་ཞིག་ཡིན་ཞིང་། བསྟན་པ་སྤྱི་སྨན་གྱི་འགན་ཁུར་དང་ལྷག་བསམ་དྭངས་མས་ང་དང་ཁྱོད་ཀྱི་རིས་ཆད་ཀྱི་ལྟ་བ་བོར་ཏེ། འཛམ་གླིང་སྐྱེ་འགྲོ་ཡོངས་ཀྱི་སྤྱི་ནོར་སངས་རྒྱས་ཀྱི་བསྟན་པ་རིན་པོ་ཆེ་འདི་ཉིད་ཕྱོགས་ཡོངས་ནས་ཇི་ལྟར་འཛིན་སྐྱོང་སྤེལ་བའི་ཐད་ལ་མཁྱེན་དཀྱེལ་ཡངས་བགྲོ་གླེང་གནང་ཡུལ་ཞིག་ཡིན།
ད་ལྟའི་བར་དུའང་། བགྲོ་གླེང་འདི་དག་བརྒྱུད་ནས་འཛམ་གླིང་ཡུལ་གྲུ་གང་སར་བཞུགས་པའི་ཆོས་གྲོགས་རྣམས་ལ། སངས་རྒྱས་ཀྱི་བསྟན་པ་རིན་པོ་ཆེ་འདི་ཉིད་དུས་དང་མཐུན་པར་ཇི་ལྟར་འཛིན་སྐྱོང་སྤེལ་བའི་ཐད་ལ་གོ་རྟོགས་ཀྱི་བག་ཆགས་ཟབ་མོ་བཞག་ཡོད་ལ། ཆོས་ལུགས་རིས་མེད་ཀྱི་གོ་དོན་ལག་ལེན་གྱི་ཐད་ནས་མཛད་བཟང་མི་དཔེར་འོས་པ་ཞིག་བཞག་ཡོད།