སྤྱི་ལོ་༢༠༡༥ ལོའི་ཟླ་ ༡ ཚེས་༢༡ ཉིན་རྒྱལ་ས་ཐའེ་པེ་རུ་སྐྱབས་རྗེ་རྫོང་སར་མཁྱེན་བརྩེ་རིན་པོ་ཆེ་དང་མཁན་ཆེན་ཚུལ་ཁྲིམས་བློ་གྲོས་རྣམ་གཉིས་ཀྱིས་ཞལ་འཛོམས་ཀྱིས་ཤར་ནུབ་རིག་གཞུང་མི་འདྲ་བའི་སྤྱི་ཚོགས་སུ་རྒྱལ་བསྟན་རིན་པོ་ཆེ་འཛིན་སྐྱོང་སྤེལ་གསུམ་གནང་སྟངས་སོགས་དང་འབྲེལ་བའི་གསུང་བཤད་དང་དྲི་བ་དྲིས་ལན་གནང་ཡོད་ཅིང་། ཆོས་བརྒྱུད་རིས་མེད་ཀྱི་མཁན་སྤྲུལ་དགེ་བཤེས་ལྔ་བཅུར་ཉེ་བ་ཞིག་བགྲོ་གླེང་ལ་མཉམ་ཞུགས་ཀྱིས་དྲི་བ་དྲིས་ལན་སོགས་ཀྱི་ཆ་ཤས་བཞེས་གནང་ཡོད།