༼དུས་རབས་ཉེར་གཅིག་པའི་ནང་བསྟན་གྱིས་སྤྱི་ཚོགས་ལ་སེམས་ཁུར་བྱེད་པ་༽ཞེས་པའི་ཁ་བྱང་འོག་བསྡུས་པའི་བགྲོ་གླེང་ནི། སྤྱི་ལོ་༢༠༡༥ ལོའི་ཟླ་ ༢༩ ནས་༣༡ བར་ཐའེ་ཝན་དུ་འཚོགས་ཤིང་། འབྲེལ་ཡོད་ཆེད་མཁས་པ་མང་པོ་ཞིག་གིས་གསུང་བཤད་གནང་བ་སོགས་ཧ་ཅང་ཕུན་སུམ་ཚོགས་པའི་ངང་ནས་ལེགས་འགྲུབ་བྱུང་ཡོད་ཅིང་། ཐེངས་འདིའི་བགྲོ་གླིང་གི་གཙོ་བོའི་འགན་ཁུར་མཁན། ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་ཚོགས་ཀྱི་ཚོགས་གཙོ་མཁན་པོ་རྫ་ཚེ་རིང་བཀྲ་ཤིས་དང་། ཚེ་སྲོག་བརྙན་འཕྲིན་ཁང་གི་སྤྱི་ཁྱབ་ཧྭེ་ཐའོ་ཧྥ་ཧྲི། ཧྭ་ཧྥན་ཐེབས་རྩ་ཚོགས་པའི་དབུ་འཛིན་རིན་ནིང་ཧྥ་ཧྲི་བཅས་ཡིན། བགྲོ་གླེང་གི་བརྗོད་གཞི་གཙོ་བོ་ནི། དྭ་ཕྲུག་བདག་མེད་ལ་ལྟ་སྐྱོང་དང་འབྲེལ་བའི་ལས་གཞི།ཆེད་ལས་ཡིག་སྒྱུར་གྱི་སྦྱོང་བརྡར་དང་འབྲེལ་བའི་དབྱེ་ཞིབ། དགེ་འདུན་པའི་ཁྲོད་དུ་ཆེད་མཁས་མི་སྣ་གསོ་སྐྱོང་དང་འབྲེལ་བའི་སློབ་གསོ། ཁོར་སྲུང་དཀར་ཟས་ཀྱི་ཁྱབ་སྤེལ་གྱི་དགོས་དམིགས། མི་མང་སློབ་གསོའི་ཁྲོད་ཀྱི་ནང་ཆོས་ཀྱི་བྱེད་ནུས་སོགས་ཡིན། འབྲེལ་ཡོད་མཁས་དབང་དག་གིས་འབྲེལ་ཡོད་བརྗོད་གཞིའི་ཐོག་གསུང་བཤད་གནང་ཡོད།