ལྷོ་རྒྱ་བོད་གསུམ་ནང་བསྟན་རིག་གཞུང་ཉམས་མྱོང་བརྗེ་ལེན་ཀྱི་བཞུགས་མོལ་ཚོགས་འདུ་ཐེངས་དང་པོ། རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པས་གོ་སྒྲིག་གནང་བའི་འོག་ལྷོ་རྒྱ་བོད་གསུམ་ནང་བསྟན་རིག་གཞུང་ཉམས་མྱོང་བརྗེ་ལེན་གྱི་བཞུགས་མོལ་ཚོགས་འདུ་ཐེངས་དང་པོ་དེ་ཐེ་ལྦན་གྱི་རྒྱལ་ས་ཐའེ་པེ་ཡི་ཐེ་ཝན་དགེ་འོས་སློབ་གྲྭ་ཆེན་མོའི་ བསྡུ་ཁང་ཆེན་གྱི་རྒྱལ་སྤྱིའི་ཚོགས་ཁང་དུ་སྐོངས་འཚོགས་གནང་ཡོད་ཅིང་། དེ་ནི་ཐེ་ལྦན་བོད་བརྒྱུད་ནང་བསྟན་གྱི་ལོ་རྒྱུས་ཐོག་ལྷོ་བྱང་བརྒྱུད་པ་གསུམ་གྱི་ཆེས་མཁས་པ་དང་ གནད་ཡོད་མི་སྣ་ཚང་འཛོམས་ཀྱིས་བོད་བརྒྱུད་གཙོ་བོར་འགྱུར་བའི་བརྒྱུད་པ་ཕན་ཚུན་བར་གྱི་གནས་བབ་སྤྱི་དང་བྱེ་བྲག་ལ་བགྲོ་གླེང་ཞིབ་ཕྲ་གནང་ཆེད་འདུ་སྐོངས་གནང་བའི་ལྷན་ཚོགས་ཐོག་མ་དེ་ཡིན་པ་རེད། དེ་ཡང་།། ལྷོ་རྒྱ་བོད་གསུམ་ནང་བསྟན་ཐུན་མོང་གི་ནང་པའི་ངོས་འཛིན། ལྷོ་རྒྱ་བོད་གསུམ་ནང་བསྟན་ཐོུང་གི་ནང་པའི་གཞུང་ལུགས། ལྷོ་རྒྱ་བོད་གསུམ་ནང་བསྟན་ཐོུང་གི་ནང་པའི་ཉམས་ལེན། ལྷོ་རྒྱ་བོད་གསུམ་ནང་བསྟན་འཛིན་སྐྱོང་ཉམས་མྱོང་བརྗེ་ལེན། ལྷོ་རྒྱ་བོད་གསུམ་ནང་བསྟན་དར་སྤེལ་ཉམས་མྱོང་བརྗེ་ལེན། ལྷོ་རྒྱ་བོད་གསུམ་ནང་བསྟན་ཕན་ཚུན་གྱི་ལེགས་ཆ་བསྡུ་ལེན་བཅས་ཀྱི་ཐོག་ལ་བགྲོ་གླེང་གནང་ཡོད།