ཞིབ་ཚོགས་དྲ་རྒྱའི་བརྙན་འཕྲིན་ནི། མཁན་སྤྲུལ་དགེ་བཤེས་མང་པོ་ཞིག་གིས་མཉམ་དུ་གྲོས་བསྡུར་གྱིས་བཙུགས་ཤིང་། སྐབས་ཤིག་གི་རིང་ཞིབ་ཚོགས་ཀྱི་ལས་དོན་གཙོ་བོ་ཞིག་ཏུ་གྱུར་ཡོད། འདིའི་ཐོག་ཏུ་མཁན་སྤྲུལ་དགེ་བའི་བཤེས་གཉེན་སོགས་མང་པོ་ཞིག་གིས་ནང་ཆོས་ངོ་སྤྲོད་ཀྱི་མཛད་རིམ་བསྐྱངས་ཡོད་ཅིང་། ད་ཆའང་མང་ཆེ་བ་ཡུའུ་ཁྲོབ་ཀྱི་ttbtv སུ་མཇལ་ཐུབ། དེ་ཡང་གཙོ་ཆེར་ཞིབ་ཚོགས་དྲ་བརྙན་ནི་ཞིབ་འཇུག་ཚོགས་པས་སངས་རྒྱས་ཀྱི་གསུང་དང་རྗེས་འཇུག་གི་མཁས་པ་རྣམས་ཀྱི་བསྟན་བཅོས། བླ་མ་སྐྱེས་བུ་དམ་པ་རྣམས་ཀྱི་བཀའ་སློབ་དང་མཛད་འཕྲིན། དེ་མིན་ནང་ཆོས་དང་འབྲེལ་བའི་གལ་ཆེའི་གནས་ཚུལ་སོགས་སྤེལ་ཡུལ་གྱི་དྲ་རྒྱའི་བརྙན་འཕྲིན་ཞིག་ཡིན་ཞིང་། བརྙན་འཕྲིན་དེའང་གཙོ་བོ་མཁན་པོ་ཆོས་ཉིད་དོན་རྟོགས་ཀྱིས་གཙོ་བོའི་འགན་ཁུར་བའི་ཐོག་ནས་གཉེར་ཡོད།